Page 199 - ЦЕЛИНА

Проф. д-р Кирил Темков

ЗА ВИЗИИТЕ И ФИЛОЗОФСКИТЕ УЧЕЊА НА ТОНИ ГИЧЕВСКИ
ЗА ЕДИНСТВОТО НА СВЕТОТ И ИДНОТО ОБЕДИНЕТО ЧОВЕШТВО

Современиот свет е огромна заедница на луѓе и народи. Се
обидуваат да воспостават комуникации, да постигнат единство,
да разменуваат сознанија, мисли, пораки, да пронајдат патишта
како да ги решат проблемите кои ги навасуваат, а тие не можат
докрајно да ги разберат и да се ослободат од нив. Живеат
најчесто со тешкотии. За маките може да се најдат објаснувања и
причини, иако тоа не им го олеснува постоењето на луѓето,
бидејќи најчесто тие не можат да ги достигнат нивните извори и
да ги изменат.

Тие енормни тешкотии на луѓето пред сé произлегуваат од
недоволната грижа на нивните власти за проблемите на нивното
живеење, за нивното производство и за нивните имоти, потоа се
резултат од конфликтите и страдањата кои се зачестени во
човештвото, иако изгледаше дека по двете големи светски војни
ќе завладее мир. Исто така секој човек на Земјата е повреден на
страдањата на Природата, чии ресурси се искористуваат до
крајните капацитети и безумно се шири загадување на сите
страни. Луѓето ги измачуваат и илузиите кои ги имаат за
освојување богатства, за кои сонуваат лесно да си ги обезбедат, а
исто така и несредените семејни односи, кои стануваат еден од
најтешките меѓучовечки релации во денешницата. Тие и другите
проблеми, кои од сите страни ги опседнуваат луѓето, и старите и
младите, не изгледаат решливи, дури секој ден стануваат сé
потешки. Потресите што ги демнат и им се прават на луѓето се
поопасни и од природните неволји и катастрофи, што
истовремено се зголемуваат по број и силина и ги загрозуваат
животите на луѓето насекаде низ светот. Човечката егзистенција
станува сé понеизвесна, иако науката, технологијата, техниката,
197