Page 193 - ЦЕЛИНА

општеството.

Општеството е збир од единки кои се меѓусебно поврзани со
дејства, таквите меѓусебни односи ја раѓаат љубовта, која треба
да е столб за човековото живеење.

Организираното општество во целина и единствениот
образовен систем ќе создадат морални и генијални луѓе.

Отворање очи на човекот за живеење во целината ќе роди
силна желба кај луѓето за менување на општествените односи.

Патот по кој се движи и развива човештвото е бесконечен.
Самоуништувањето, кое е голема закана за човекот, треба да се
обмисли и спречи.

Патот по кој треба да се движи човекот треба да биде
општествено признат, таквата хармонија на движење ќе ги
поттикне позитивните нешта во живеењето.

Песимизмот и оптимизмот се браќа кои ја предвидуваат
иднината на нештата. Реалното е резултат на сегашноста.
Плурализмот во целината го дава точното решение и патот по
кој ќе оди човекот. Само целината е фактор и дестилат за
убавото живеење. Решение за нешто во рамки на една држава
никогаш не е добро решение поради интересот на таа држава.
Поклонување, снисходливост или додворување пред други е
губење на личната слобода. Апсолутна лична слобода на
човештвото е идно општествено уредување.

Потребите на човекот се бесконечни. Разумноста во потребите
е во сооднос со општествените односи, страста за поголема
потреба е нереална ако општествениот однос и општествениот
развој се на ниско ниво. Нереална желба за нереална потреба
создава злодела и ги повредува другите.

191