Page 189 - ЦЕЛИНА

Емоцијата човекот ја изразува ако доживее нешто што го
возбудува или ги зголемува чувствата, што би значело дека
емоциите се променливи, различни и зависат од степенот на
развој на околината во живеењето. Во целината на живеењето
емоциите кај човекот или духовната состојба на радост и љубов
ќе бидат предизвикани од суштинските вредности на нештата.

Етичкото однесување во целината е цел на моралот.

Животната реалност како предмет на истражување води кон
подобро живеење во иднината.

За да не повредиш некого, некој да не те повреди тебе - треба
да постои морал и етичко однесување.

Задоволен живот на единка е можен само во целина во која ќе
владее социјален морал и организираност на општественото
живеење.

Задоволни телесни и духовни потреби на луѓето резултираат со
добри општествени односи и правилен општествен развој.

Здружена целина и создавање на едно и единствено општество
е постапка и начин за уништување на страдањето на човекот.

Злоба и злото постојат и нивното проникнувањето е поради
поделеноста на целината.
Злото и лошите навики се дел од историјата и производ на
негативната егзистенција и на стремежот или силната амбиција
за истакнување пред и над другиот. Праведноста денес е
релативизирана и таквата поставеност го создава злото.
Живеењето во целина ќе го потисне и уништи злото од причини
што егзистенцијалните потреби ќе бидат задоволени, а
индивидуалниот стремеж ќе значи целосна корист.

Знаењето е моќ која треба да се користи во целината за одење
во вистинската насока на општествениот развој.

187