Page 141 - ЦЕЛИНА

Зошто човекот се бори за повеќе материјални добра?

Најголемата причина е да има посигурна иднина, да биде на
повисоко ниво од другите во живеењето и да му се исполни
суетата. Да добие нешто што му било недофатно во минатото.

Човекот мора да е во сооднос со општествените односи,
развивање на општествените односи дава нови видици и
открива нови вредности. Никогаш брзата промена не дава добри
решенија, ниту кршењето на старите вредности дава позитивни
резултати. Човекот има разум кој треба да се унапредува и
користи за вистински решенија кои ќе му овозможат подобар
живот.

Сопственоста во иднина полека но сигурно ќе го ослободи
првото место во разумот на човекот. Затоа е потребно да се
создадат услови.

Создавање или признавање на целината од целото општество е
првиот чекор што треба да се направи.

Денес имаме затвори кои се нарекуваат поправни домови или
слични институции. Едукацијата мора да е поинаква за да даде
резултати.

Во сите градови имаме деградирани маала, тие продуцираат
криминалци. Ретко од такви маала излегуваат квалитетни луѓе.
Кој е виновен за оваа состојба?
Едноставно, системот на неорганизираноста на општеството.
Организирано општество со еден интерес е добродетел кој ќе ги
запре сите војни и неправди во светот. Едукацијата е најважна
работа на која треба да се посвети внимание.
Ако луѓето имаат сигурна егзистенција и секојдневно се
подобруваат условите за живот луѓето ќе имаат просперитет во
своето живеење. Таквата состојба ќе доведе до стабилизирање и
намалување на криминал од секаков вид.
139