Page 111 - ЦЕЛИНА

Учењето на Демокрит за совеста е едно од првите во историјата
за оваа духовна основа на моралот кај човекот. Една од големите
мисли на Демокрит е:

„Вистинската љубов е стремеж кон убавото без насилство“.

Но неука филозофија предизвикува големо крвопролевање во
Октомвриската револуција во Русија и во многу други држави во
светот.

„Зло е ако ги следиме лошите, но зло е ако не ги следиме
добрите луѓе“.

Ова е голема мисла и порака, која важи и за денешните
општествени односи, кои треба да ги менуваме за подобра
иднина. Ние денес мора да ги следиме добрите луѓе, а да ги
распознаваме лошите, кои ќе ги игнорираме или осудуваме и
менуваме за да станат добри.

Антистен (445-365 год. п.н.е.) бил свесен за разликата помеѓу
филозофијата и реториката. Тој кажал дека филозофијата треба
да ја учи оној кој сака да се дружи со боговите, а реториката оној
кој сака да се дружи со луѓето. Бил ученик на Сократ, на кого му
се восхитувал и го возвишувал. Основал школо во кое сето
внимание било посветено на етиката, на откривањето и
спроведувањето на правилното дејствување. Зад себе оставил
група ученици кои влијаеле на создавањето на стоичката етика
на воздржаност и должност. Тој зазема посебна филозофска
позиција, реалноста ја брани со едноставноста на секое
постоење. Тој го дава примерот дека мудрецот постапува според
својата морална сила, како израз на својата цврста волја и
непоколеблива етика.

Антистен сметал дека најголемиот непријател на
добродетелството е сетилното уживање, кое ја нарушува
духовната рамнотежа на личноста.

109