Page 112 - ЦЕЛИНА

Дијалектичкиот реализам во иднина ќе ги води луѓето по патот
кој води до човештвото. Ова е одраз од филозофската мисла на
Антистен.

„Кога државата повеќе не ги разликува способните од
неспособните, тогаш таа пропаѓа“.

Добрите луѓе се двојат од лошите и лошите преминуваат на
страната на добрите во услови на исти интереси и за едните и за
другите. Платформата на еднаквост и добрина ги намалува злото
и нееднаквоста поради еднаквиот интерес кој создава изедначен
развој на целината.

Општествено признавање на вистината ќе даде големи резултати
за напредок во општествените односи. Во целина во кое
општественото признавање е темел на владеење на
дијалектичкиот реализам, таквиот пристап ќе даде волја на
неспособните да се едуцираат и да работат за да станат
поспособни.

„Мудрецот не се занимава со политика според законите на
државата туку според законите на добродетелите“.

Во нашето идно општество, или целината, мора да ја обновиме и
да ја воздигнеме потребата од мудри луѓе кои ќе го водат
човештвото во вистинска насока.

Епикур (роден во 341 год. п.н.е. на островот Самос) е еден од
најголемите филозофи на сите времиња.

Тој вели, секое живо суштество штом ќе се роди трага по
задоволство и му се радува како на најголемо добро, а ја
избегнува болката како најголемо зло и ја отфрла од себе колку
што може. Целта на животот е ослободување од болки и
достигнување задоволство. Животот трага по техника на
задоволство, за тоа ќе помогне филозофијата.

110