Page 107 - ЦЕЛИНА

кои треба да ни служат за да делуваме со цел луѓето од целиот
свет да живеат подобро. Создавањето или признавањето на
целината ќе изгради нова платформа на која ќе преовладуваат
вредностите и суштината .

Во будизмот се обединуваат моралот и сознанието.

Во желбата за откривање на највисоката вистина мора најпрвин
да се осознаваме себеси и несебично да ја пренесуваме на
општеството.

Платон (424 – 347 год. п.н.е.) бил основач на првиот вистински
универзитет на светот под името Академија, кој работел 9 века.
Платон развил филозофски методи кои станале база за
филозофското мислење до денеска. Тој вели дека постои општа и
нужна вистина која има апсолутна важност. Во своето учење за
битието смета дека овој свет што ни е сетилно достапен и што го
сметаме за објективно реален не е таков каков што ни се чини.
Всушност, овој свет е лажовен, нестварен, сенишен свет.
Предметите и појавите дадени во нашите сетила се нетрајни,
минливи, несовршени.

Платон имал идеи за уредување на општеството, кои се обидел
да ги предложи на разни владетели, за да се реализира неговиот
сон за умна власт на мудрите луѓе. Филозофијата на Платон е
комплексна и богата, а нејзината етичка димензија исто така.

Тој проблематиката на доброто ја поставува во центарот на
размислувањето. Платон се стремел кон филозофската цел да се
открие и осознае вистинската реалност, да се откријат нејзините
основи и законитости. Тоа сознание треба да поттикне подобро,
вистинско однесување и треба да послужи да се воспостави
подостоинствено живеење.

Откривањето на вистината е возможно во целината и таа мора
да е општествено призната. Со самото тоа се намалува можноста
да се вметнат демагошки елементи кои ќе ја нагризуваат и

105