Page 120 - ЦЕЛИНА

ја истакнува позицијата на човекот како суштество со ум. Спиноза
размислувал објективно и непристрасно, тој бил совршен
набљудувач и постојано истакнувал дека кон сите нешта кои му
се предмет на сознание се однесува како да се вечни и трајно
значајни.
Основната филозофска идеја на Спиноза се однесува на
единството на светот, на суштината на супстанцијата и на
нејзините појави, на суштината на видовите сознанија, на
етиката и на верата, како и на човековата слобода и на
политиката.

За Спиноза супстанцијата е вечна, бескрајна и творечка. Од неа
зависи сето постоење, таа е основа на сè што постои. Тој
супстанцијата ја определува како Бог или природа.
Очигледно дека Спиноза е филозоф и мудрец кој ја видел
суштината за подобрување на општествените односи и
општествениот развој на човекот. Неговата идеја за единство на
светот е светлина која ја гледале многумина филозофи во
историјата, како, на пример, Платон, кој својата визија за
единство и добро живеење ја гледал во Атлантида.

Целта на живеењето на човекот е да живее секојдневно подобро,
секојдневно да се развива доброто, да се издига и гради, а злото
да се уништува, спокојството да се нагласува и просветува, а
тагата и болката да се намалуваат.

Слободата во сооднос со општеството дава можност единката да
ги оствари своите цели и стремежи.

Со согледување и откривање на вистината, општеството оди
нагоре на патот кон колективната среќа и благосостојба. Други
цели или видувања немаат капацитет или сила да ги направат
луѓето среќни и задоволни. Суштината е во признавањето на
целината од страна на општеството, тоа е наша задача и цел
денес. Во целината ќе владее хармонија, која во историјата била

118