Page 185 - ЦЕЛИНА

АФОРИЗМИ

(Животни и етички мисли)

НА ТОНИ ГИЧЕВСКИ

ОД КНИГАТА „ЦЕЛИНА“

Животните сознанија и свест се здобиваат со искуството.
Искуството не само врвен учител, тоа ни ги отвора вратите на
реалноста и ни ја покажува нејзината суштина. Тоа е исто така и
патеводител, ни го посочува патот по кој како личност треба да
одиме ако сме заинтересирани да правиме добри дела и да
бидеме истакнати членови на заедницата. Тогаш тие сознанија се
обликуваат во мисли за животот и за моралот, кои имаме
храброст да им ги претставиме и на другите, верувајќи дека сите
заедно може да дејствуваме правилно и да се поддржуваме во
нашата голема животна борба за создавање целина и
реализација на дијалектичкиот реазлизам.

Тие животни и морални мисли се оформуваат како афоризми –
поуки за кои може со полно срце да кажеме дека се исправни.
Верувањето во нивната содржина произлегува од нашето
постоење како исправни и етички суштества. Не се стегаме да ги
изложиме, бидејќи се производ на нашата полна свест за
потребните нешта во егзистенцијата. Од нашата книга, која е
резултат на нашите надежи и желби дека го говориме она што е
нужно за современото и идното живеење на човештвото,
изделивме низа такви стегнати идеи, во кои лаконски, со куси
зборови, говориме во стилот на ставовите на најголемите
мислители. Ги цитираме, ги оправдуваме нашите погледи и
ставови, за кои се надеваме дека луѓето ќе ги спроведуваат како
важни животни поуки, со кои ќе си освојат за себе и за сите други
среќа и спокојство.

183