Page 126 - ПАТЕКА 2

Едно ладно приквечерие француските генерали беа
собрани на состанок во собата на главниот војсководец.
Состанокот го отвори генералот Жак, којшто рече:

Утрешниот ден е ден што ќе одлучи за победникот на оваа
битка. Сите вие мора да ги соберете вашите војници и да
им укажете на важноста на утрешниот ден. Мора да ги
мотивирате своите војници дека мора да бидат цврсти и
јаки. Секој еден војник треба својот непријател да го гледа
како крвник кој сака да ги убие нив, ако не убиеш, ќе те
убијат тебе. Секој еден мора да убие двајца непријатели,
со тоа ќе се спаси себе и ќе ја воздигне Франција.

Замислете дека вие сте родени во 1788 година и сте
учествувале во таа битка во која сте заклани со остар меч.
Дали тие луѓе што загинале во оваа битка сакале да умрат?
Денес ова е смешно, во историјата луѓето гинеле, умирале
за некакви лажни цели и интереси.

Како денес разговараат двајца кои сакаат да направат,
украдат пари со кои би се осигурале за иднина.

- Ние двајца сме стари другари уште од војничките денови.
Јас сум на работ на пропаста. Последните пари ги
искоцкав. Сега немам ништо. Имам идеја како да
направиме големи пари. Познавам еден богат човек. Мојата
девојка работи како домаќинка во неговата куќа. Таа ми
даде информации каде се наоѓа сефот, кој е полн пари.
Дали сакаш да ја завршиме оваа работа?

- Да, секако, и јас сум во иста ситуација. Деновиве ја
изгубив работата и со пари сум за никаде.

125