Page 107 - ПАТЕКА 2

Многу е тешко да се прави план за иднина а да се вметнат
негативни елементи. Ако се прави план за општествено
планирање, не е возможно да се вметнат примеси од
негативни елементи. Кога имаме индивидуално планирање
на подолг период никој не сака да вметне лоши елементи,
а камоли кога се работи за општествено планирање.

Планирана општествена иднина мора да се спроведува со
помош на дијалектичкиот реализам. Суштината на
дијалектичкиот реализам е да е општествено признат, а
тоа значи дека секоја планирана општествена иднина мора
да биде одобрена и призната од целиот свет. Целината
мора да ја планира иднината, а со тоа ќе се намали
ризикот за појавување грешки.

Мора да се разбере дека и да постојат прикриени водачи
на светската политика и економија кои се доминантни
денес, самите тие ќе ја сфатат поентата на иднината па ќе
сакаат да тргнат по патеката кон иднината. Можеби
длабоко во себе и тие сакаат да се смени светот во кој
нема да има крв и злоба.

Главната филозофија на секој човек во светот е да е
среќен, исполнет, заљубен, задоволен итн. Денешните
проблеми кои го окупираат цел свет егзистираат затоа што
ние не сме организирани и не делуваме како целина.

Национализмот и расизмот се голема пречка за создавање
на целината. Целиот свет во преодната фаза кон новото
општество мора да го искорени национализмот и расизмот
заедно. Тоа лесно може да се направи затоа што
декларативно тоа е поддржано од целиот свет.

106