Page 104 - ПАТЕКА 2

Ќе наведам еден пример кој многумина од нас го
доживеале и за тоа размислувале.

Навечер одите во кревет, легнувате, не можете да
заспиете, си го анализирате и воедно го проверувате
својот живот, тоа ви доаѓа така за да се проверите. Се
прашувате дали сте задоволни од минатото и дали ќе
бидете задоволни од иднината.

Порано си велевте „сакам да имам работа што ќе ја
работам со задоволство, значи сакам да бидам исполнет и
креативен, сакам да имам сопруга која искрено ќе ме сака
и животот со неа ќе ми биде исполнет со добри моменти и
тоа да трае до крајот на мојот живот, сакам да имам
дечиња коишто ќе бидат воспитани, образовани и среќни.
Сакам да имам другари кои би ми го исполниле делот од
слободното време на мојот живот со убави моменти. Во
иднината сакам да имам внучиња кои би ги почитувале
бабата и дедото“.

Да, ова е желбата што ја има секој нормален човек од
целиот свет и тоа завршува тука, во твојот кревет. Потоа
ти заспиваш и наутро кога ќе се разбудиш се тераш по
старо, го пиеш првото утринско кафе и почнуваш да
размислуваш за обврските кои денес те чекаат. Потоа
следат нервози, расправии, притисоци во твојата глава од
сите страни. Навечер доаѓаш дома, го вклучуваш
телевизорот, задремуваш пред него и така тој те гледа
како спиеш. Така тоа трае и трае, незадоволството расте.

Суштината е најважна, само таа може да те исполни,
формата денес е наметната во денешните односи за да ја
затскрие суштината. Денешните општествени односи мора
103