Page 160 - ЦЕЛИНА

светски закон со кој ќе имаме светски данок на промет. Со
парите од вака собраниот данок ќе управува светското собрание.
Првите чекори ќе се направат во изедначување на целината и
менување на интересот и целта на општеството. Со други
зборови, новата организација на општествените односи би
имала за цел вишокот на работната сила (работниците кои
останаа на улица од банкротираните мали фирми и
невработените од развиените земји да бидат ангажирани за
други повисоки цели во развојот на општеството) да биде
насочено и ангажирано во производство на нови идни
општествени добра. За да не биде апстрактно, оваа состојба
мора да се продлабочи и да се објасни за да се разбере.

Светското собрание мора да се бори за создавање школски
систем каде секое дете во светот ќе добие иста шанса за
развивање и интегрирање во општеството. Ова е неопходно за
вишокот на работната сила во иднина да биде ангажирана во
создавање на општествените добра и создавање општествен
развој. Се поставува прашањето кој ќе го финансира тоа?
Едноставно, да се вратиме на горниот пример, „Кока-Кола“, како
светска компанија, создава големи приходи од кои мора да
одвојува, т.е. плаќа данок на светот или поконкретно данок на
светското собрание.

Глобализацијата и нејзините позитивни страни кои
придонесуваат за зближување на целината треба да се развиваат,
негативните страни треба да се решаваат, а не да се оставаат
како неважни.

На крајот, не може голема компанија или корпорација да се
развива во целиот свет за да прави огромни профити, а да не
плаќа данок на целиот свет или на целината.
Мултинационалните компании мора да имаат и обврска да се
грижат за мултинационалниот живот.

Мултинационалните корпорации кои се учесници во самата
глобализација во призната и создадена целина ќе имаат
158