Page 209 - ЦЕЛИНА

Сето ова е етичка наука на Гичевски. И теориски и практично тој
ја претставува својата етика како базичен квалитет на човечкото
суштествување. Етиката не е само пренос на погледите од
големите филозофи (кои заземаат доволно место во оваа голема
книга), туку личен израз на искуството, личното познавање и
определби на Гичевски. Тој го смета моралот за основен човечки
квалитет и искажува болка за неговото запоставување и
избегнуваање. Моралот и етиката нормално ќе бидат творечки
сили на човекот. Тие ќе ја разбудат човековата волја и енергија за
почитување и грижа за другите, за заедничко создавање и
солидарност. А моралот и етиката ќе се развиваат според
изворните човеччки потенцијали во Целината, која е човечка
судбина.

За ЦЕЛИНАТА авторот Тони Гичевски има направено духовна
конструкција, која не е невообичаена, туку ги изразува неговите
погледи и значи многу за човечката судбина. Целина е светот,
онаа убава сина планета видена и снимена од космосот, за
коешто велиме дека е нешто најубаво што сме го виделе и го
имаме. Тоа што човекот не се застапува за поврзување со сите
луѓе за да ја љубат планетава, тоа е најголемата критика и
предизвик за Гичевски во овие негови дела. Целината е збир на
сите елементи и суштества, на материјалните и духовните сили
на Земјата. Визијата на Гичевски е дека човештвото полека, но
сигурно ќе се обединува (не само како израз на глобализацијата)
во своето постоење и ќе ги напушти ограничувањата што самото
си ги наместува за да биде непријател со блиските народи и
региони, наместо реално и интимно да се поврзува. Обединетата
целина ќе биде простор на сите нации и на сите индивидууми,
кои ќе уживаат во единството и братството, како што новите
форми на слободите овозможуваат достоинство на
егзистенцијата и самосвест на личноста.

Целината е таа видена цел на човекот и на целото човештво, кое
ќе значи вистински престој на човекот на Земјата, а ќе ги отвори
и патиштата на светот не само на нашата планета, туку, како што

207